საქართველოს ინკლუზიური ხელმისაწვდომობის რუკა

რატომ უნდა დაამატოთ თქვენი ორგანიზაცია ინკლუზიურ რუკაზე?

ჩვენი რუკა წარმოადგენს უმნიშვნელოვანეს გზამკვლევს შშმ პირებისთვის. ობიექტის დამატებით თქვენ ზრდით თქვენი ბრენდის სოციალურ პასუხისმგებლობას, უზრუნველყოფთ ახალი მომხმარებლების მოზიდვას და აჩვენებთ საზოგადოებას, რომ მხარს უჭერთ თანაბარ უფლებებსა და ინკლუზიურ გარემოს.

მეგზურის (Companion) მხარდაჭერის სერვისი:

რუკაზე რეგისტრირებული ობიექტები ხელმისაწვდომია ჩვენი მოხალისე მეგზურების სერვისისთვის. ეს ნიშნავს, რომ შშმ პირს, რომელსაც სურს თქვენს ობიექტში მოსვლა, შეუძლია მოითხოვოს მოხალისე მეგზურის თანხლება, რომელიც დაეხმარება მას თქვენს მისამართზე მოსვლასა და ტრანსპორტირებაში, სერვისი ხელმისაწვდომია არამხოლოდ ფიზიკური გადაადგილებისა თუ ასისტენციისთვის, არამედ უბრალოდ კომუნიკაციის და სოციალიზაციისთვის.

წლიური საფასური და მხარდაჭერა:

ორგანიზაციის მიერ რუკაზე ფილიალების განთავსება ითვალისწინებს წლიურ საფასურს. მიუხედავად იმისა, თუ რამდენ მისამართს ან ფილიალს ამატებთ თქვენი ორგანიზაციისთვის, ჯამური საფასური შეადგენს წელიწადში ფიქსირებულ 35 ლარს (35 ლარი / წელიწადში). ეს სიმბოლური თანხა სრულად მოხმარდება ჩვენი არასამთავრობო ორგანიზაციის სოციალურ პროექტებს, შშმ პირების ინტეგრაციასა და მეგზურის სერვისის მხარდაჭერას.

• გადახდა ხორციელდება საბანკო გადმორიცხვით, ინვოისის უნიკალური ნომრის მითითებით.
• თქვენს საკონტაქტო ელ-ფოსტაზე ავტომატურად გამოიგზავნება ინვოისი, რომლის ჩამოტვირთვაც ასევე შეგიძლიათ განაცხადის დასრულებისთანავე.
• ობიექტები რუკაზე გამოჩნდება თანხის ასახვიდან და ადმინისტრატორის მიერ მონაცემების გადამოწმებიდან 24 საათის განმავლობაში.
• თქვენ პასუხისმგებელი ხართ თქვენ მიერ მონიშნული ადაპტაციის პირობების სისწორეზე.